Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 1 de ochobre. 2019 19:54

Diseñu de tratamientos psicolóxicos na Universidá d'Uviéu

Una de las sesiones de Trasactiva
Diseñu de tratamientos psicolóxicos na Universidá d'Uviéu

El cursu pasáu 108 persones entamaron estes sesiones de baldre

Per segundu añu la Universidá d'Uviéu pon en marcha la investigación Trasactiva p'afitar qué tratamientos psicolóxicos grupales son más efectivos p'ayudar con problemes emocionales.

Busquen voluntarios pa participar nesti estudiu nel que los participantes entrenarán la so intelixencia emocional p'abordar les torgues psicolóxiques.

El cursu pasáu 108 persones entamaron estes sesiones de baldre. Los más d'ellos fueron trabayadores, pero tamién desempleaos, y sobre manera muyeres. Poro, esti añu busquen más participación d'homes d'ente 18 y 65 años.

L'únicu requisitu ye nun recibir al empar otra terapia psicolóxica. Los candidatos pasarán una entrevista onde s'afitará la existencia d'un trestornu real enantes de participar nes terapies.

Tola información recoyida ye anónima y confidencial pa conocer los beneficios de la terapia psicolóxica grupal más efectivos a la hora de redeprender a rellacionanos coles nuestres emociones.

Según los cálculos, más del 11% de la población podría tener problemes depresivos en dalgún momentu de la so vida.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL