Presentación del programa 'Radar Lab' na Feria de Muestres

La iniciativa va facilitar a los investigadores crear empreses dientro d'otres yá esistentes

El conseyeru de Ciencia, Borja Sánchez, destacó esti llunes que, hasta'l momentu, el Centru Européu d'Empreses y Innovación participó na creación de más de 140 'spin off' o empreses derivaes, el 60% de les que "surden de la Universidá d'Uviéu" y el 40% nos centros d'I+D d'empreses de la rexón.

Borja Sánchez y el rector de la Universidá d'Uviéu, Ignacio Villaverde, presentaron güei na Feria Internacional de Muestres d'Asturies el programa 'Radar Lab', que tien por oxetivu facilitar que los investigadores de la Universidá d'Uviéu creen empreses dientro d'otres yá esistentes.

El conseyeru de Ciencia definió la Universidá d'Uviéu como la "gran factoría" de conocencia científica y tecnolóxica de la rexón y amosó'l convencimientu de que'l programa 'Radar Lab' ta llamáu "a consolidase nos próximos años".