La vendimia de la DOP Vinu de Cangas va empezar a mediaos de setiembre n'Ibias

El conseyu regulador envalora que la producción d'uva va rondar los 235.000 quilos

Solo un mes queda pa qu'empiece la vendimia, y dende la DOP tán contentos con una producción que va ser asemeyada a la del añu pasáu. Asina, envalórase que la collecha va rondar los 235.000 quilos. Una collecha, qu'anque sufrió les lluvies de los meses anteriores, nun va vese afectada.

Y ye que les uves yá empiecen a coyer el so color afayadizo: amarellentao, nel casu de la uva destinada a la ellaboración de vinu blanco y granate escuro, na destinada a la ellaboración de vinu tinto.

La DOP vixila agora'l PH, l'azucre y l'acidez de la uva pa saber en qué momentu exactu pue empezar la recoyida, anque envaloren qu'esta va empezar a mediaos de setiembre nel conceyu d'Ibias, retrasándose hasta principios d'ochobre en Cangas.