Munchos vehículos de carga y descarga peles mañanes nel cascu históricu d'Avilés

L'Ayuntamientu estudia recortar l'accesu rodáu a los repartidores de les 12:00 a les 11:00

Los turistes que visiten Avilés esti branu quéxense del escomanáu númberu de vehículos de carga y descarga peles mañanes nel cascu históricu peatonal de la ciudá. L’Ayuntamientu estudiará recortar l’horariu.

Sacar una semeya del cascu históricu d’Avilés enantes de les 12:00 ensin furgonetes y camiones de carga y descarga ye una xera cuasi imposible pa los turistes.

L’Ayuntamientu camudó los horarios fai cuatro años y agora nun descarten estudiar la posibilidá d’adaptalos en branu, por mor de la medría turística.

Una opción sedría dexar l’accesu hasta les 11:00, en llugar de les 12:00, como pasa n’otres ciudaes españoles.