El Principáu promueve un sellu pa empreses qu'usen l'asturianu

Día de la Llingua na Feria Internacional de Muestres d'Asturies

La conseyera de Cultura, Política Llingüística y Deporte, Vanessa Gutiérrez, destacó esti sábadu la promoción d’un sellu pa empreses qu’usen l’asturianu, una midida que’l Principáu "lleva tiempu" queriendo poner en marcha pa dar a les compañíes pol compromisu que tienen cola llingua y la cultura d’Asturies.

Na so intervención nel III Día de la Llingua Asturiana na Feria Internacional de Muestres d’Asturies, celebráu nel recintu Luis Adaro de Xixón, solliñó: "La propuesta del sellu ye una midida que llevamos tiempu queriendo poner en marcha".

Nesti sen, la conseyera esplicó que ye un reconocimientu pa les empreses que "usen con naturalidá" les llingües propies -asturianu y eo-naviegu- como "parte de la so imaxe".

Dempués de "rexistrar" la marca, afitó que, "aprovechando la feliz circunstancia" de que se ta constituyendo una asociación d’empresarios pol asturianu, el Principáu quier "trabayar con ellos nel formatu concretu que-yos pareza bien".