L'alcalde d'Uviéu inaugura la glorieta de Santuyano

La rotonda costó 5,5 millones d'euros cofinanciaos con fondos europeos

La nueva glorieta de Santuyano, que xune los barrios de Teatinos y Ventanielles tanto pa los coches como pa los peatones y supón la tresformación de la entrada a la ciudá dende l’autopista Y, quedó inaugurada esti martes, pol alcalde, Alfredo Canteli, y el conceyal d’Infraestructures, Ignacio Cuesta.

La rotonda asítiase na contornada del Palaciu los Deportes y forma parte del cambéu que ta esperimentando la zona nestos últimos meses, que va poco estrenó La Plaza de la Cruz Roja y el parque llinial rematáu cola ponte de Guillén Lafuerza.

Canteli amosóse confiáu de que la glorieta, de 4.300 metros cuadraos, beneficiará al tráficu d’Uviéu y funcionará "a la perfección", al empar que resolverá los atascos na Cruz Roja, y destacó’l "tiempu récor" nel que se fizo la obra: nueve meses.