Los vecinos de Samiguel, en Siero, niéguense a pagar un nuevu cementeriu

El polígonu de Bobes fizo que llegar a él seya más llargu y complicáu

Los vecinos de Samiguel, en Siero, niéguense a pagar un nuevu cementeriu, como-yos pidió'l Conceyu y l'arzobispáu. Los problemes d'accesu tienen qu'iguase, al so xuiciu, con una pasarela.

Axuntáronse col alcalde y el párrocu de la zona, pero nun-yos supieron especificar un presupuestu nin una nuevu allugamientu concretu. El cementeriu ye propiedá del obispáu y van encargar a una empresa'l costu de l'actuación. Ellos niéguense a cualquier planteamientu qu'incluya pagar los nuevos nichos.

El cementeriu, pol desenvolvimientu del polígonu de Bobes, quedó arrodiáu de grandes empreses y obres faraóniques pa nueves infraestructures. Esto causó-yos un corte de los accesos de siempre. Un trayectu de 500 metros convirtióse en tres kilómetros.

Aseguren qu'otru entueyu ye la espera obligatoria de 20 años pa treslladar los cuerpos y tamién la distancia de 500 metros coles cases.