Problemes recurrentes na desdexada Plaza d'Abastos de Mieres

El Conceyu trabaya nuna reforma pa modernizar el mercáu

Más de la metá de los puestos de la plaza d'Abastos de Mieres tán vacíos. Los comerciantes acháquenlo a los defectos del edificiu, la falta de llimpieza y llume y qu'hai problemes de seguridá. El Conceyu asegura que yá trabaya nuna reforma pa modernizar el mercáu.

Pa los comerciantes de la Plaza d'Abastos de Mieres, los problemes son recurrentes. Aseguren que'l mercáu municipal lleva años desdexáu. Esmolez especialmente la falta de llimpieza, la del suelu y la de zones altes del techu, onde abonden les telarañes.

Daniel Dueñas lleva tola vida nesti mercáu. Rexenta la carnicería qu'heredó de so padre. A los defectos compartíos col restu de comerciantes suma la falta de llume.

Unos problemes que dicen torga la imaxe de la plaza y alloña a los compradores.

Por eso reclamen meyores urxentes que solucionen los problemes más inmediatos, antes d'una reforma dafechu que ven imprescindible.

L'equipu de gobiernu asegura sofitar el trabayu de los comerciantes del conceyu, y asegura que yá trabaya nuna reforma pa modernizar el mercáu y dar respuesta a les demandes de comerciantes y usuarios.