Comerciantes y vecinos, contentos colos nuevos semáforos de Torcuato Fernández Miranda

L'Ayuntamientu instaló un radar, qu'entá nun ta en funcionamientu

Un día dempués de la puesta en funcionamientu de los semáforos de l’avenida Torcuato Fernández Miranda, los más de los vecinos y comerciantes de la zona creen que yeren necesarios y que nun afectarán a la fluidez del tráficu a la hora de salir de Xixón.

Amás de los semáforos, que tán asitiaos nos cruces de Torcuato Fernández Miranda con Pintor Marola, Carreño Miranda, Pintor Martínez Abades y París, l’Ayuntamientu tamién instaló un radar, qu’aunque entá nun ta en funcionamientu, controlará que los vehículos nun superen la velocidá máxima permitida de la vía nel futuru.