La IA, la dixitalización y l'anovación meyoren el rendimientu de les empreses industriales

Cursu de La Granda dedicáu a la situación del I+D n'Asturies y los retos de futuru

La IA, la dixitalización y los centros d’anovación meyoren el rendimientu de les empreses asturianes del sector industrial. Asina lo afiten siderúrxiques como ArcelorMittal o Gonvarri. Los sos responsables d’I+D participaron güei nos cursos de La Granda.

Les empreses asturianes ganen en compatibilidá gracies a la creación de centros d’anovación y desendolcu y la so agrupación en clúster. Asina lo confirmaron les que participaron nun nuevu cursu de La Granda dedicáu a la situación del I+D n’Asturies y los retos de futuru.

Los retos pa los años vinientes, munchos venceyaos col cambéu climáticu, fadrán que les empreses del futuru seyan diferentes, más llimpies y circulares.

Toles empreses participantes reconocieron que la intelixencia artificial y la dixitalizacióntán ayudando a les sos empreses, a meyorar el so rendimientu y ser más segures.

L’alcaldesa d’Avilés, Mariví Monteserín, qu’asistió a esti cursu de La Granda, afirmó qu’enagora los suelos de bateríes tán nuna fase de compatibilizar la descarbonización de los suelos cola urbanización. Darréu pondránse a comercializalos.

Monteserín reconoció qu’hubo empreses que s’interesaron por instalase nos suelos de bateríes.