El Conceyu de Llanera y una empresa local van repartir verdura y hortoliza ecolóxico a persones ensin recursos

Los usuarios del Bancu d'Alimentos van recibir l'escedente de los llabradores locales ente primavera y seronda

Rural Ecolab acaba de ganar el concursu públicu municipal pal serviciu de repartida de verdura y hortoliza a persones con pocos recursos de Llanera. El Conceyu va dar el beneficiu a usuarios del Bancu d'Alimentos que vivan nel conceyu, quien van recibir l'escedente de los llabradores locales na dómina de mayor producción, ente primavera y seronda.

Nel programa, participen los llabradores de Llanera, y dende esta empresa local van salir les cestes hasta les cases. Los paquetes van poder llevar hasta ocho tipos de productu.

Toles selmanes va haber repartida de productu frescu y la intención ye siguir polo menos dos años.

Otru oxetivu del serviciu, ye'l mínimu desplazamientu pa contaminar lo menos posible.