L'alquiler ye la vía más avezada ente los universitarios

Los estudiantes de MIR son los que más s'adelanten y dalgunos propietarios aprovechen los meses de branu p'alquilar los pisos a turistes

Cada branu, miles d’estudiantes tán na mesma situación: tienen qu’alcontrar un agospiu nel que vivir nos meses de clase na universidá. A la hora d’escoyer agospiu, influyen factores como’l preciu o l’allugamientu del inmueble apunta Alberto Añaños, CEO de Live4Life.

La xubida xeneralizada del preciu de la vivienda ta afectando a los estudiantes. Amás, los pisos alquílense cada vegada con mayor antelación. Los estudiantes de MIR son los que más s’adelanten, existiendo yá zones enllenes d’anuncios restrinxíos a estos inquilinos.

Les tendencies nos alquileres pa estudiantes tán camudando.

Amás, dalgunos propietarios aprovechen los meses de branu p’alquilar estos pisos a turistes. Según l’informe del conseyu de la mocedá, el 66.4% de mozos y moces d’ente 16 y 24 años comparten pisu, y un 27.9 failo con persones ayenes al so nucleu.