La histórica Fonte de los Caños de Rivero d'Avilés volverá a tener agua

La fonte ta declarada Bien d'Interés Cultural

Nunes selmanes entamará’l remocique d’esta histórica fonte construyida en 1816, y venceyada al Camín Real d’Uviéu que se desendoca ente finales del sieglu XVIII y entamos del XIX.

Ta catalogada como Bien d’Interés Cultural, con categoría de Conxuntu Históricu, polo que tendrá que ser supervisada por Patrimoniu. Tamién fadrá falta una intervención arqueolóxica, pa conocer l’urbanismu de la cai Rivero, y de les acometíes hidráuliques venceyaes a la fonte, asina como atopar y analizar posibles güelgues arqueolóxiques señala Pelayo García, conceyal de Servicios Urbanos d’Avilés.

Instalada en Rivero, cai que data del sieglu XV, y al llau de la capiya de San Pedro, del sieglu XVII, faen qu’esta fonte seya ún de los requexos urbanos más icónicos de la ciudá, na que los más nostálxicos esperen volver a refrescase apunten Eduardo Trespalacios y Elías Sobrino, vecinos d’Avilés.

Como complementu, repararáse’l firme de la cai que da accesu a la fonte. La previsión ye que los trabayos acaben n’avientu, y en Navidá yá se puea esfrutar del agua de la fonte de los caños de Rivero.