El Principáu prevé unos presupuestos inferiores pa 2025

Xunta, Sindicatura y Conseyu Consultivu tienen hasta'l 13 de setiembre pa presentar los sos proyectos

Les cuentes de 2024 ascendíen a 6.348 millones d’euros, un 6,3% superior al exerciciu anterior y que supón la cifra más alta que tuvo’l Principáu, en gran midida polos fondos recibíos dende Europa y pola lliquidación estraordinaria de 2022.

De cara a 2025 entá nun hai datos concretos, pero en mayu, el conseyeru de Facienda, Guillermo Peláez, adelantaba que tocará recortar.

La Xunta Xeneral del Principáu, la Sindicatura de Cuentes y el Conseyu Consultivu tendrán hasta’l 13 de setiembre pa unviar los sos proyectos a la dirección xeneral de presupuestos, que yá cunta con información de les distintes conseyeríes y empreses públiques.

Con esa información fadráse’l primer borrador del anteproyectu de presupuestos. Unes cuentes qu’amás tarán marcaes pola incertidume al respective de la evolución de los mercaos financieros y la posible evolución de los precios.