Más de 10.000 persones visitaron el PACO nun mes

El Parque Acuáticu de Corvera adelantará la so apertura a mayu de 2025

El Parque Acuáticu de Corvera abrirá l’añu qu’entra enantes de lo que se pensaba. L’Ayuntamientu de Corvera trabaya pa qu’a finales de mayu, los toboganes tean funcionando y allargar la temporada hasta finales de setiembre.

Iván Fernández, alcalde de Corvera, señala qu’esti añu, el PACO zarrará les sos puertes el 5 de setiembre con más de 10.000 visitantes y cuasi un 70% de los díes col aforu completu.

L’Ayuntamientu de Corvera vaciará les piscines hasta la temporada viniente y caltendráles con operarios municipales. Amás trabaya tamién nun nuevu sistema pa identificar la procedencia de los usuarios porque nesti primer branu, pel PACO pasaron usuarios inclusive de fuera d’Asturies.