El Llagar de Cualloto lleva'l meyor Cabrales per quinta vegada siguida

Iván Suárez rompe'l récor mundial de preciu pagáu por un quesu

Ye la quinta vegada siguida que la pieza ganadora del certame del Quesu Cabrales viaxa hasta’l Llagar de Cualloto, y la cuarta vegada qu’Iván Suárez ruempe’l récor mundial de preciu pagáu por un quesu.

Amás del quesu ganador, de 36.000 euros, Iván compró les otres 30 pieces ellaboraes pal concursu cabraliegu pola quesería d’Ángel Díaz Herrero, col que l’hosteleru llegó a un alcuerdu pa vender cuasi tola producción d’esti añu.

Dende güei, el brillante y caru campeón del Cabrales esfrutaráse en familia y con collacios. Anque tamién se dará a prebar a los veceros y veceres del establecimientu, que tendrán el lluxu de prebar esti manxar de récor.