La ilesia de Castropol busca fondos pa reparaciones urxentes

Un vecín fai esti branu per primer vegada visites guiaes al templu

Piénsase que la ilesia de Castropol foi llevantada nel sieglu XVI o XVII. Un referente patrimonial que se ve dende munchos puntos del conceyu, pero que’l pasu’l tiempu dexó en mal estáu. Hai estrozos graves que reparar.

Descorches en paredes y en dalgunos techos, y otros desperfectos. Poro, entamaron una recoyida de donativos. Tamién pue collaborar na cuenta bancaria de la ilesia, pola qu’entrugaben munchos visitantes y turistes, pero que cuasi siempres taba zarrada.

Esti branu, per primer vegada, un vecín decidió convertise en guía voluntariu. Francisco Fernández enseña toles mañanes la ilesia, esplica la so historia y resuelve duldes.

Otru oxetivu ye reparar una pequeña parte de les escaleres que lleven a la torre de la ilesia y dende la que podemos ver unes vistes espectaculares. Dalgunos peldaños tán estropiaos. Piden ayuda al Ayuntamientu pa que puea pasase con seguridá y que vecinos y turistes puean esfrutar de les altures d’esta ayalga arquitectónica.