La oficina provisional de DNI n'Uviéu yá da serviciu na Comisaría de Buenavista

El serviciu volverá a les sos dependencies de davezu en seis meses

Dende esta mañana, la oficina del DNI n’Uviéu yá da serviciu temporalmente nes dependencies policiales de Buenavista. Ellí yá se tán espidiendo y anovando los DNI y pasaportes con normalidá.

Al que yá tenía cita previa, la Policía unvió-y un corréu electrónicu informando d’esti cambéu de sede, anque munchos diben entá güei equivocaos a la Xefatura Cimera, na cai Plácido Arango

El serviciu volverá ellí previsiblemente en seis meses, cuando rematen les obres de meyora de l’accesibilidá.