Prohibíu tirase al agua dende'l pedreru de San Pedro y dende la piedra de La Playa Estaño

Los socorristes alvierten sobre los riesgos asociaos a estos vezos

En La Playa Estaño y nes escaleres 0, 1 y 2 de La Playa San Llorienzo, en Xixón, instaláronse cartelos que prohíben a los bañistes, los más adolescentes, tirase al agua dende la muria. Los socorristes alvierten qu’esta práctica ye mui peligrosa pola presencia de les piedres y la poca fondura del agua, inclusive cuando la marea ta alta. Los profesionales quieren concienciar sobre los riesgos d’esti comportamientu.

Vecinos y bañistes de la zona conocen de primer mano estes peligroses práctiques que se repiten davezu, inclusive cuando nun ta presente’l salvamentu.

El serviciu de salvamentu esplica qu’estos saltos peligrosos fáense de xemes en cuando en zones non vixilaes. Esto complicaría’l so rescate en casu d’accidente.