La materia prima y la cueva, los secretos del meyor Cabrales

La quesería Ángel Díaz Herrero ellabora unos 10.000 kilos de quesu al añu

Dende’l domingu, el teléfonu nun dexa de sonar na quesería Ángel Díaz Herrero, dempués de llevar el premiu al meyor quesu del certame del quesu Cabrales. Una pieza de récor Guinness y qu’algamó na puya un preciu de 36.000 euros.

La so ellaboradora foi Encarni Bada. Na so quesería fai unos 10.000 kilos de quesu al añu, de los que namás una cuarta parte ye quesu Cabrales reserva.

Dempués d’esi primer premiu, toca dir a la cueva de La Concha Parda p’atender pidíos. La d’Encarni Bada, que ye una quesería familiar y que lleva’l nome del home, ye de les más pequeñes de la DOP Cabrales.

Amás d’ellaborar el meyor Cabrales del añu, esta maestra quesera tamién llevó’l segundu premiu al llote de pieces nel certame que se celebró esti domingu.