La metá de los asturianos ta dispuestu a pagar más por ropa sostenible

Nueve de cada 10 españoles escueyen tiendes de moda rápida pa vistise

Los más de los españoles compra la so ropa en tiendes de moda rápida o 'fast fashion' y dos de cada 10 gasta más de 50 euros al mes nestes tiendes. Son datos del estudiu de conductes sostenibles n’España fechu pola fundación Triodos.

Cuanto más mozos, más interés en comprar prendes nueves. Per xéneru, les muyeres, sobre manera menores de 40 años, son les que más ropa compren.

Anque la metá de la población nun tien en cuenta los materiales o orixe de les prendes, gustaría-yos facelo; y son les muyeres y los mozos, los más concienciaos pola sostenibilidá de lo que consumen.

Siete de cada 10 dona la ropa que nun usa y el 24% vende ropa en tiendes o webs de segunda mano.

Per comunidaes, Asturies ta a la cola, la metá de los asturianos pagaría más por prendes sostenibles frente al cuasi 65% de Galicia o País Vascu.