Sariegu trabaya n'ampliación del área recreativa de Carabiéu

L'equipamientu rexistra problemes colos aparcaderos

Sariego nota mayor afluencia en dalgunes de les sos árees recreatives nos últimos años. La de Carabiéu ye l’exemplu más bultable, porque ellí hai, sobre manera en branu, problemes colos aparcaderos.

La medría d’usuarios dende la pandemia provocó que l’área de Carabiéu quedare pequeña. Pa solucionalo, el consistoriu comprará la finca d’al llau, por cuasi 10.000 euros, pa ganar alredor de 4.000 metros cuadraos d’espaciu y poder llevar alantre’l nuevu proyectu.

Na actuación tamién s’anovará y ampliará’l moblame, ye dicir, les meses, les valles y les parrilles. L’oxetivu ye que seya un espaciu de recréu más grande pa los usuarios y families.

Una anovación d’unos espacios naturales nos que nun se pue dormir y que cada vegada tienen mayor demanda.