El cai d'Avilés medra llixeramente'l númberu de buques y mercancíes

En 2023 el cai avilesín movió 4,6 millones de tonelaes con 775 buques

El cai d’Avilés rexistró l’añu pasáu una llixera medría nel númeru de buques y nel volume de mercancíes tresportaes, nun contestu xeneralizáu de mengua nos tráficos de los 46 cais d’interés xeneral del Estáu, según recueye la so memoria añal.

El presidente de l’Autoridá Portuaria d’Avilés, Santiago Rodríguez Vega, presentó esti miércoles la memoria añal de la terminal marítima y tamién la de sostenibilidá, nel Pabellón d’Esposiciones y Congresos de La Madalena, onde tuvo llugar el Certame de Ganáu de San Agustín.

Los llogros más destacaos del exerciciu pasáu fueron la concesión a Windar Renovables de les instalaciones y espacios de dominiu portuariu de l’antigua Alcoa, y l’impulsu a los proyectos qu’ampliarán en 112.000 metros cuadraos la superficie loxística de la marxe derecha de la ría.