Tres la so refundación l'añu pasáu, el Fortuna vivió una primer temporada mui complicada por culpa del estáu del campu. Con grandes charcos y ensin malapenes verde, xugar ellí suponía un notable riesgu pa los xugadores señalen Sandra Colomer y Laura Pilego, miembros del CD Fortuna
Anque se fixeron pequeñes actuaciones nel pasáu nenguna foi de gran caláu. Agora, la yerba sintético va facilitar enforma'l so caltenimientu, va ameyorar el drenaxe y, por tanto, la so seguridá apunten Santiago Echevarría, miembru de la Deportiva Piloñesa y Jose Antonio Suárez, de Jasc Arquitectura, empresa contratista de la obra.
La histórica inversión supera los 600.000 euros asegura Iván Allende, alcalde de Piloña. Una inversión bultable que respuende al altu interés que xenera'l fútbol nel conceyu con 40 xugadores del CD Fortuna y 150 de La Piloñesa.
El saniamientu y la lluz van ser los otros aspeutos a ameyorar con previsión de terminar a finales d'ochobre.
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL