Les escuelines de Panes, Trevías, Colombres, Bual y Villayón abrirán el xueves

La vuelta a escuela ye un 13% más cara qu'en 2023    

El Gobiernu d’Asturies inaugurará’l xueves viniente los cinco primeros centros de la rede pública y autonómica d’Escuelines, coincidiendo col entamu del cursu escolar, y l’afitamientu de la matrícula de baldre pa tol alumnáu de 0 a 3 años.

Esti xueves viniente inauguraráse’l centru de Colombres, con capacidá pa 31 neños y neñes; y los de Panes, Trevías, Bual y Villayón con 18 places caún. La Dirección Xeneral de Trabayu Públicu contrató pa estes cinco nueves escuelines a 12 técniques d’Educación Infantil y autorizó tamién la creación d’un total de 120 puestos de trabayu, que s’inxerirán de forma progresiva según vayan abriendo los centros.

Parte d’esta primer fase de la rede inauguraránse n’ochobre, a midida que vayan rematando les obres de construcción nos centros de Sotu’l Barcu, Santolaya (Onís) y Santalla d’Ozcos.

La dotación pa esti proyectu de Les Escuelines ye de daqué más de 30 millones d’euros, de los que cuasi 25 destinaránse a pagar el total de la matrícula que sedrá de baldre. Un compromisu alquiríu pol presidente del Principáu pa esti cursu.

La vuelta a escuela ye un 13% más cara qu’en 2023     

La OCU afita’l gastu por escolín nesta vuelta a escuela en 580 euros, un 13% más que l’añu pasáu.

El gastu mediu añal de cada familia ta ente los 2.200 y los 8.000 euros, en función de si’l centru ye públicu o priváu.