Reanúdense les obres de reparación del tramu de la carretera que xune Navelgas y Naraval

El movimientu de máquines ye constante dende va delles selmanes p'aliviu de conductores

Dempués de casi cuatro años de parón por un llitixu colos vecinos pol depósitu de l’arena, l’actividá vuelve al tramu Navelgas - Naraval. El movimientu de máquines ye constante dende va delles selmanes p’aliviu de conductores.

Un tramu de daqué menos de cuatro kilómetros, enllén de curves imposibles, trazáu estrechu, baches y asfaltu degradao que dará pasu a carriles de tres metros, meyor drenaxe y seguridá n’argayos. Amás de ceres en Naraval.

Ente los vecinos, un amiestu d’aliviu y incertidume.

La obra xúnese a l’anovación del asfaltu y meyora de señalización ente Naraval y L’Altu d’Aristébanu, que facilitará la salida a la costa.

En falta, una meyor conexón col centru d’Asturies.

Les obres tienen un plazu de fechura de dos años.