Adrián Barbón nun va dir a la misa de Cuadonga pa nun xenerar enfadu y tensión

Según el presidente asturianu, anque les sos intervenciones "nunca xeneren polémica", nun pasa lo mesmo con otres coles que "siempres hai discutiniu"

El presidente del Principáu, Adrián Barbón, confirmó esti vienres que nun va dir el próximu 8 de setiembre a la tradicional misa de Cuadonga nel Día d'Asturies, celebración a la que siempres va desque tomó posesión del cargu va cinco años.

"Nun quiero que la mio presencia seya la escusa perfecta pa xenerar enfadu y tensión, daqué que nun va conmigo", señaló en respuesta a les entrugues de los periodistes na rueda de prensa qu'ufiertó tres la xunta del Conseyu de Gobiernu celebráu en Bimenes.

Con esta decisión, que Barbón aseguró que lleva meditando dende la celebración del pasáu añu, ruémpese una tradición instaurada pol primer presidente autonómicu, Rafael Fernández.