Asturies va tener vuelos diarios con Málaga, Sevilla, Alicante, Valencia y Mallorca en 2025

La promoción de los vuelos a Mallorca va correr al cargu de Vueling y les conexones aérees al restu de destinos con Volotea

Los vuelos directos ente Asturies y los aeropuertos de Sevilla, Málaga, Alicante, Valencia y Mallorca van ser diarios a partir de la primavera del próximu añu, destinos que son oxetu de la Estratexa de Conectividá qu'acaba d'axudicar el Gobiernu del Principáu, que va invertir más de tres millones d'euros p'asegurar un mínimu de 2.750.000 de places neses rutes.

Estos cinco destinos van tener enllaz directu col Aeropuertu d'Asturies tolos díes d'añu, y inclusive van algamar les nueve salíes selmanales ente abril y payares, lo que facilita la crecedera nel númberu de places en vuelos diarios ufiertaos.

Les promoción de los vuelos a Mallorca va correr al cargu de Vueling, mientres que les conexones aérees al restu de destinos fueren axudicaes a Volotea, según informó'l Principáu nun comunicáu, nel que se daba cuenta del resolvimientu del concursu axudicatoriu d'eses cinco rutes ente finales d'anguaño y payares de 2028.