Inda tienen esperanza de qu'en setiembre les reserves esperimenten un repique, pero a estes altures los agospiamientos rurales viven con esmolición la situación, con namás ente'l 20 y el 30% de les places reservaes, hasta un 37% menos que l'añu pasáu. Creen que l'impactu de la inflación especialmente nel turista español ye una de les razones señala Ana Sobernón, vicepresidenta del Clúster de Turismu Rural.
Inflúi, dicen, la competencia de les viviendes rurales d'usu turísticu, que puen dexar precios más competitivos asegura Jaime García, presidente d'Arca (Asociación d'Agospiamientos d'Aldea).
Los empresarios esperen el resultáu d'un estudiu impulsáu pol Principáu sobro la situación del sector que se fai al traviés de la Mesa de trabayu sobro turismu rural. Confíen en qu'ayude a poner en marcha midíes qu'impulsen esti tipu de turismu como sector estratéxicu. Asturies supón el 50% de la ufierta de turismu rural de la España Verde y el 7% de la nacional.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL