Los tres conceyos tán esmolecíos pola medría de la contaminación del ríu Seya por cuenta de la presión turística, polo que reclamen un consensu ente les alministraciones públiques y les empreses privaes pa protexer l'ecosistema del caudal más internacional del Seya señala Paulo García, alcalde de Ribeseya.
Los responsables de les empreses de turismu activu señalaron que, a ellos, namá-yos dexen llanzar les canoes ente les 11 de la mañana y les 6 de la tarde y, amás, recordaron que faen dos llimpieces del Seya tolos años apunta Manolo Villarroel, empresariu de Cangues d'Onís.
Pela so parte, los pescadores de l'angula y del salmón achacaron la escasez d'estes dos especies fluviales a la contaminación del Seya asegura José Manuel Gutiérrez, anguleru de Ribeseya
Los afectaos tamién se quexaron porque, cinco díes dempués de celebrase un festival musical ente Les Arriondes y Cangues d'Onís, parte de la basura sigue espardío pela redoma del Seya. Precisamente, la sablera de Santa Marina sufrió dellos episodios de contaminación nos últimos años.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL