Frenu a la crecedera del presupuestu rexonal

Los presupuestos de 2025 van ser los menos inversores de los últimos años

Los presupuestos de 2025 van ser los menos inversores de los últimos años. Ye la partida na que va haber que retayar, asegura'l Conseyeru de Facienda, porque'l presupuestu va ser daqué inferior a los anteriores señala Guillermo Peláez, conseyeru de Facienda y Fondos Europeos.

En total unos 400 millones d'euros menos que van entrar nes nueses arques y que nun llogren compensar los ingresos pola meyora de la economía y l'empléu. A pesar d'ello l'Executivu va caltener les deducciones fiscales, la llamada vía asturiana que, asegura, supunxo unos 52 millones d'euros de beneficios fiscales a los asturianos.

Sobro otros impuestos como'l de tresmisiones o socesiones el Gobiernu ta abiertu a pequeños cambeos na negociación presupuestaria.

La intención del Conseyeru ye tener les cuentes en payares pa poder negociales con tiempu y llograr de nuevo que salgan alantre.

Sobre l'alcuerdu d'investidura de Salvador Illa con Esquerra en Cataluña, qu'inclúi un nuevu modelu de financiamientu, el Conseyeru de Facienda, afita que ye contrariu a lo que plantega al Principáu, un financiamientu singular, pero ensin privilexos.