La quesería piloñeta Ca Llechi ellabora'l meyor Quesu Casín

El Principáu destina 62.000 euros a impulsar la producción de Quesu Casín

Pa Francisco Cueria ésti foi'l so últimu certame del Quesu Casín como ellaborador. Nunes selmanes va poner puntu final a la so etapa al mandu de La Corte. Una decisión que nun foi fácil pa él. Y anque nun yera la so intención inicial, nun refuga que daquién tome'l relevu al mandu de la quesería.

Anguaño solo tres productores ellaboren esti quesu propio de los conceyos de Casu, Piloña y Sobrescobiu. Fai solo unos años yeren cuatro. De confirmase la baxa de La Corte van pasar a ser namás dos. Pa la denominación d'orixe ye una mala noticia pa un quesu que, dicen, inda tien marxe pa crecer y animen a dar el pasu a tou aquel que quiera intentalo apunta Natalia Lobeto, presidenta de la DOP Quesu Casín.

La quesería piloñeta Ca Llechi ganó'l premiu al meyor quesu del certame col votu unánime de tol xuráu señala Marina Rueda, de Quesería Ca Llechi.

Nesta edición del certame punxéronse a la venta mil pieces de quesu, de les que prácticamente se vendieron toes.