'Clear Cities' naz col envís de meyorar la xestión de residuos urbanos

Ye un proyectu lideráu pol Ayuntamientu de Xixón y que cunta cola participación de distintes ciudaes y rexones europees

Cumplir coles normatives que contempla la Xunión Europea en materia de mengua, reutilización, reciclaxe y recuperación de residuos, ye l’oxetivu que se marquen los 7 socios del proyectu apunta Rodrigo Pintueles, conceyal de Mediu Ambiente y presidente d’Emulsa.

Los 7 socios de 'Clear Cities' buscarán a comuña estratexes anovadores p’algamar esti oxetivu.

N’últimu términu búscase qu’una meyor xestión de los residuos desendolque en ciudaes más sostenibles. Los participantes danse 4 años p’afitar midíes que nacerán del trabayu a comuña.

'Clear Cities' cunta con una financiación de 1,7 millones con cargu a los Fondos europeos de desendolcu rexonal.