El paru xube en 364 persones n'Asturies nel mes d'agostu

El Gobiernu asturianu confía en que'l trabayu siga medrando nos meses vinientes

El paru rexistráu nes oficines de trabayu xubió n’Asturies n’agostu en 364 persones, lo que supón una medría del 0,7 por cientu al respective de xunetu lo que dexó la cifra de desempleaos na comunidá en 52.385, según los datos asoleyaos esti vienres pol Ministeriu de Trabayu y Economía Social.

Sicasí, Asturies foi una de les cuatro comunidaes autónomes nes que medró l’afiliación a la Seguridá Social n’agostu al sumar 707, un 0,71 por cientu más qu’en xunetu, que dexa’l númberu d’ocupaos n’Asturies en 391.199 trabayadores, según los datos del Ministeriu d’Inxerimientu, Seguridá Social y Migraciones.

Con ello, la comunidá autónoma encadenó seis meses siguíos de medría d’ocupación anque se ruempe la racha na tendencia del paru, dempués de cinco meses siguíos de mengua nel númberu de desempleaos.