L'arzobispu noma a David Cueto como nuevu abá del Santuariu de Cuadonga

Sergio Martínez refugó'l cargu por motivos personales y va siguir na Catedral d'Uviéu

David Cueto foi nomáu nuevu abá del Santuariu de Cuadonga. L'hasta agora canónigu del cabildru va ser el responsable al nun asumir el cargu Sergio Martínez, a quien l'arzobispáu propunxera como abá de Cuadonga.

Martínez achacó motivos personales y va siguir na Catedral d'Uviéu.

El nuevu abá, David Cueto va tomar posesión al rematar la novena a la Santina y los actos del Día de Cuadonga.

Esti nomamientu súmase a los cambeos na ilesia asturiana ente los qu'hai nuevos vicarios, párrocos y delegaos episcopales. Ente ellos, l'actual abá Adolfo Mariño va ser vicariu xeneral.