Xixón buscará alternatives d'aparcamientu tres el pieslle del aparcaderu de Péritos

Martínez Salvador resalta que les opciones tán analizándose "tanto pal entornu de Péritos como pal restu de la ciudá"

L’Ayuntamientu de Xixón ta buscando soluciones pa que "nel plazu más curtiu posible" puea haber una alternativa d’aparcaderu, dempués del pieslle esti llunes del aparcaderu asitiáu nos tarrenes de l’antigua escuela de Péritos, que cuntaba con 260 places.

Asina lo esplicó’l voceru del Executivu y conceyal d’Urbanismu, Jesús Martínez Salvador, dempués de qu’aconceyare la Xunta de Gobiernu municipal esti martes.

Martínez Salvador resaltó qu’estes opciones tán analizándose "tanto pal entornu de Péritos como pal restu de la ciudá", de mou que se caltenga’l "fuerte compromisu" del equipu de Gobiernu de crear una rede d’aparcaderos en tola ciudá que dexe aparcar el coche y movese pel centru urbanu.