David Cueto afronta la masiva afluencia de visitantes a Cuadonga

El nuevu abá del Santuariu tamién llevará la parroquia de La Riera

David Cueto pasea pela esplanada de Cuadonga en compañía d’Adolfo Mariño, nuevu vicariu xeneral de la Diócesis d’Uviéu, al que sustituirá nunos díes como abá del Santuariu de la Santina, un nomamientu que conoció esta mesma selmana.

Nacíu en Granada, anque vive n’Asturies dende neñu, a los sos 46 años Cueto llevaba yá cuasi cuatro como canónigu del Cabildru de Cuadonga. La esperiencia, asegura, vendrá-y mui bien, asegura, a la hora de desendolcar les sos nueves responsabilidaes como abá.

El so retu más darréu tien muncho que ver cola masiva afluencia de pelegrinos y visitantes a un Santuariu como’l de Cuadonga. Amás de dirixir el Santuariu, y como siempres ficieron los abaes que lo precedieron, David Cueto tamién llevará la parroquia de La Riera.