L'Esmerillón lleva munchos años desendolcando campañes de repoblación piscícola

El llabor de la sociedá de pescadores refuerza'l fechu pola alministración asturiana

La piscifactoría de Romillu, propiedá de L’Esmerillón y otra de L’Infiestu, qu’esta sociedá xestiona mediante un conveniu col Principáu d’Asturies, son los dos centros d’operaciones de les campañes de repoblación piscícola que desendolca esti colectivu. Un llabor entamáu va munchos años.

Inxertos na suelta de trucha, los trabayos de repoblación son socesives acciones que s’allarguen tol añu.

Los pexes que cría y suelta L’Esmerillón amiéstense a les repoblaciones que fai’l Principáu y suponen un bon númberu de pexes. Unes repoblaciones que son de gran ayuda cuando les riaes torguen el desove natural del salmón. A la hora de criar salmones en cautividá, tamién se trabaya pola so variedá xenética. Agora tírense al piensu, pero algamar qu’un salmón xabaz entame a comer en cautividá nun ye fácil.

Por más que la sociedá de pescadores L’Esmerillón tea más apegada a la cuenca del Seya, la verdá ye que les sos repoblaciones algamen a tolos ríos y cursos fluviales del oriente.