L'apertura del centru d'Amazon xenera problemes de tráficu na redolada

Los vecinos quéxense de los continuos cambeos na señalización de los cruces

L'apertura del nuevu centru loxísticu d'Amazon n'Asturies ta xenerando problemes de tráficu na redolada del polígonu de Bobes. Los vecinos quéxense de los continuos cambeos na señalización de los cruces y les direcciones de los pueblos d'alredor.

L'aterrizaxe d'Amazon xeneró delles alteraciones nel tráficu avezáu de la zona. Hai cais de doble sentíu qu'agora son dirección única, y dende esti llunes hai nueves señales y pintura mariella que modificaron dellos cruces.

Tol complexu de la multinacional ta rematáu, pero entá nun ta termináu'l desdoblamientu de l'AS-17, carretera que xune Llangréu con Avilés, y crucia tol polígonu. Estes obres tán xenerando cambeos y cortes na circulación de manera continua.

En cuanto al tráficu na zona, entá nun se nota un gran aumentu. Pel momentu hai solo unos 150 trabayadores na nave, pero a finales d'añu van ser 400 y en pocos años van llegar a 1.500.