La mayor esportación de barru salense fecha n'Asturies

El material sacao de Mina Claudia ye ún de los más demandaos del mercáu

De La Espina, en Salas, a Italia. Ye’l llargu trayectu que percorrerán les 30.000 tonelaes de barru sacaes de Mina Claudia. La mayor esportación d’esti material fecha dende Asturies hasta la fecha. Dende güei y hasta’l sábadu, 40 camiones van encargase del so tresporte hasta’l cai d’El Musel, onde se cargarán nun barcu, con salida prevista pal martes.

Dempués d’una selmana de navegación la carga llegará al cai de Rávena. Ellí utilizaráse pa la fechura de cerámica y azulexu. Pol so blancor, esti barru salense ye ún de los más demandaos del mercáu.

Ye la primer gran operación internacional de la empresa, avezada a trabayar pa la cerámica de Castellón. La operación que supón la creación d’unos 110 trabayos directos y indirectos, amuesa la fortaleza del Principáu nel sector.

Una vegada agotáu’l yacimientu, el proyectu afita la restauración de los tarrenes y la so reutilización como pastos.