La tasa turística debe tener un estudiu técnicu enantes pa la so aplicación

El sector esixe una valoración de los fluxos de visitantes

Sobre la tasa turística que’l Principáu dexará aplicar a los Ayuntamientos dende’l grupu d’investigación del turismu de la Universidá d’Uviéu, aseguren que lo importante ye afitar criterios como la so finalidá o cómo y ónde aplicala. Aseguren amás que ye una midida complementaria. El sector esixe un estudiu fonderu de los fluxos de visitantes.

L’anuncia del Gobiernu del Principáu de que los ayuntamientos asturianos podrán aplicar una tasa turística si asina lo deciden, abre la puerta a munches entrugues. Quién la paga, cómo se paga. ¿Va aplicase tol añu?

El profesor Eduardo del Valle ye espertu en turismu sostenible y esplica que la so aplicación tien que tener un estudiu técnicu enantes. Y tien que plantegase como consecuencia d’un estudiu de los fluxos turísticos.

Un exemplu de tasa turística que yá existe n’Asturies, apunta, ye’l tresporte a Los Llagos de Cuadonga, por mor de que nun pue xubir tol mundu, sinón que fai falta pagar el tresporte.