La patronal de la hostelería fai un balance satisfactoriu del branu n'Asturies

Valdés apuesta porque la tasa turística s'aplique solo en xunetu y agostu

La patronal de la hostelería fai un balance satisfactoriu del branu n'Asturies. Los datos d'ocupación son superiores a los de 2023 en términos xenerales.

En xunetu baxó dos puntos la ocupación, pero n'agostu recuperóse con un 4% más de turismu.

La falta de personal, el descensu del poder alquisitivu de los turistes o la cada vez más axustada rentabilidá de los negocios son otres de les claves d'esti balance.

El presidente d'Otea amosóse críticu cola tasa turística que'l Principáu quier dexar en manes de los conceyos.

L'alcalde valdesanu, el socialista Óscar Pérez, quier afitar la tasa turística namás en xunetu y agostu pa financiar los gastos que se deriven de la xestión de les sableres y otros recursos medioambientales.

Tamién propón que la tasa seya distinta nes distintes zones del conceyu pa facilitar la implantación de negocios turísticos en llugares con menor llegada de visitantes.

En Cuideiru, l'alcalde defende que los gastos tienen de ser compartíos ente turistes y alministraciones, y otros alcaldes tán a la espera de conocer qué marcu normativu va tener esti gravame.