Les obres del Centru de Refuxaos de Sotrondio van empezar en xineru

Avancen los trámites pa la cesión de los edificios del antiguu HUCA a la Universidá

Les obres pa convertir l'antiguu colexu San Xosé de Sotrondio nun centru de Refuxaos internacional van empezar el próximu mes de xineru. Asina lo comunicó la ministra d'Inclusión al presidente del Principáu nuna xunta n'Uviéu, onde tamién-y contó les meyores nos trámites pa la cesión de los edificios del antiguu HUCA a la Universidá.

La Universidá d'Uviéu unvió ayeri al Ministeriu la documentación necesaria pa la cesión de los edificios del antiguu HUCA que son propiedá de la Tesorería de la Seguridá Social: Maternidá, Consultes Esternes y Silicosis.

Tres un primer pidimientu, dende'l Gobiernu central pidiérase a la institución académica más documentación sobro los espacios que quería. Esti trámite acaba de facese, asegura la ministra.

Elma Saiz, que s'axuntó esta mañana col presidente del Principáu, anunció amás que les obres pa convertir l'antiguu Colexu San Xosé de Sotrondio nun centru de Refuxaos Internacional, yá tienen fecha d'entamu. Va ser en cuatro meses.

El centru de refuxaos de Sotrondio va ser el primeru d'Asturies d'estes característiques y, según anunció'l ministeriu, va suponer una inversión total de 9 millones d'euros.