El descubrimientu de la muralla d'Avilés retrásase hasta'l branu de 2025

Los trabayos pa sacar a la lluz 100 metros de muralla salen a llicitación

El descubrimientu de la muralla d'Avilés retrásase y nun va salir a la lluz finalmente hasta'l branu del 2025. En xineru, Principáu y Conceyu anunciaron que sedría primero qu'acabara anguaño, pero'l contratu pa estos trabayos acaba de salir a llicitación.

Una vegada axudicáu, lo primero va ser faer l'estudiu arqueolóxicu y darréu van empezase a valtar los edificios que cubre los 100 metros de muralla medieval, unos trabayos qu'envaloren duren 10 meses.

Van crease zones axardinaes y un accesu peatonal a una muralla que, esperen, seya'l nuevu reclamu turísticu de la ciudá a partir del próximu branu.