Hevia, una de les parroquies más estenses de Siero, destaca pola so unión vecinal

Entamen les fiestes de Nuesa Señora de la Salú, que rematen el llunes

Hevia ye una de les 29 parroquies de Siero. Ye tamién una de les más grandes n'estensión. Suma alredor de 1.000 habitantes, yá qu'engloba delles entidaes de población. Fai llende con otros conceyos, en concreto Noreña y Llangréu. Destaca la so unión vecinal, gracies a la qu'entamen, por casu, sestaferies añales y les fiestes de Nuesa Señora de la Salú, qu'empiecen güei.

Hevia cunta con vecinos de tola vida, pero tamién hai munchos que vienen d'otros llugares. Ye'l casu del presidente de l'Asociación de Vecinos, Óscar Lamsfus.

Tamos na parte rural de Siero, y atopamos xente bien nuevo. Por casu, los integrantes de la Comisión de Festexos, dende va ocho años compuesta por amigos de siempre, como Carmen Suárez Fidalgo.

Hevia tamién destaca pola collaboración vecinal. Tolos años entamen sestaferies, dirixíes por una muyer, l'alcaldesa pedánea Agustina Castro.

Unu de los sos oxetivos agora ye recuperar les antigües escueles, da-yos vida y convertiles na nueva sede vecinal y social.

Amás, quieren iguar la bolera pa convertila nel llugar d'alcuentru. Al llau ta'l prau de la fiesta, Nuesa Señora de la Salú, de los últimos eventos del branu na zona, qu'empieza güei.

Otru atractivu ye'l Palaciu d'Hevia, del sieglu XVII, la sede alministrativa de la Fundación María Cristina Masaveu Peterson