En Valgrande-Payares güei la temperatura mínima nun llegó a un grau. Quedó en 0,9 graos, igualando prácticamente'l récord de la estación pa un mes de setiembre. Siguimos asina col enclín d'un branu nel que malapenes vimos el sol.
Según l'Axencia Estatal de Meteoroloxía, Llanes foi'l conceyu d'España con menos hores de sol nel mes d'agostu. Daqué más de 134, lo que vienen ser cinco díes. Nel otru estremu ta Córdoba, onde esfrutaron de cuasi 400 hores de sol.
Seya como fuera, nin les nubes nin la falta de sol va poder torgar que Llanes siga siendo unu de los pueblos más turísticos del país nos meses de branu.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL