Reintroducción nel mar de dos tortugues rescataes nes costes asturianes

Aumenta'l númberu de galápagos atopaos esti branu con daños por plásticu

El mal tiempu d'esti entamu de setiembre condicionó la vuelta al mar de les dos tortugues que curiaron nel acuariu de Xixón pero güei por fin volvieron a la llibertá. A una tuvieron qu'amputa-y una aleta atrapada en plásticu. A otra fálta-y un güeyu. Agora tán recuperaes y llistes pa vivir nel mar. Una d'elles va tar localizada.

La so reintroducción nel mar foi tou un acontecimientu pa decenes de neños y mayores. Una actividá, defenden dende'l Bioparc, que contribúi a la concienciación.

Nel CRAMA queden entá otres tres tortugues que s'atoparon esti branu nes costes asturianes. Ye una cifra inusual y estúdiase por qué apaecieron tantes esti branu. Toes elles con plásticu torgando los sos conductos respiratorios. Cuando se recuperen, van poder volver al mar.