Les máximes distinciones institucionales ponen fin al Día d'Asturies

Barbón ve cerca grandes consensos en salú mental y mediu rural

El presidente del Principáu, Adrián Barbón, púnxose como metes algamar grandes consensos en polítiques de mediu rural y salú mental, como yá se fizo en materia d’infraestructures o cola concertación social.

"Entendimientos asemeyaos van poder algamase" nesos dos campos, aseguró esti domingu’l xefe del Executivu asturianu na ceremonia d’entrega de les Medayes d’Asturies.

L’actu, que coincide cola celebración del Día d’Asturies, celebróse nel Palaciu de Congresos d’Uviéu cola presencia d’autoridaes civiles y militares y una gran representación de la sociedá civil. Ente ellos, la ministra de Mocedá y Infancia, Sira Rego, que nun fizo declaraciones.