Los productores de la DOP Cangas esperen recoyer 200.000 kilos d'uva na vendimia

Los viticultores esperen que'l bon tiempu acompañe hasta l'entamu de la vendimia

Ente’l 15 y 20 de setiembre entamará la vendimia de les cepes del vinu de Denomación d’Orixe Protexida de Cangas y, enantes de que lleguen esos díes, esperen la vuelta del sol pa una bona maduración de la uva pa entamar la recoyida.

Los bodegueros tienen una previsión de recoyida d’unos 200.000 kilos, una collecha asemeyada a la del añu anterior, porque nun pudo ser superior pol xarazu y dalgunos problemes na floración.

Los problemes que puen tener los bodegueros son les tormentes que puen llegar y a los ataques de los animales.

Queden pocos díes pa la vendimia y Cangas del Narcea y Ibias tán preparaos pa una nueva collecha del vinu que forma parte del entornu y la vida de la fastera.