Patronal y sindicatos roblen el conveniu del metal n'Asturies

Ye'l conveniu colectivu más importante a nivel autonómicu porque da cobertura a más de 25.000 trabayadores

Patronal y sindicatos roblen el convenio del metal n’Asturies. Ye’l conveniu colectivu más importante a nivel autonómicu. Da cobertura a más de 25.000 trabayadores.

L’actu protocolariu de la robla entamó con un minutu de silenciu polos dos trabayadores muertos y les palabres del presidente de Femetal pidiendo responsabilidá a toles partes pa qu’un siniestru como esti nun se vuelva a producir.

Enantes d’esi momentu, la patronal valorare l’algame d’un conveniu a tres años, con una xubida salarial del 7,5% pa esi periodu, ente otres meyores, que dará estabilidá a les empreses del sector.

Los sindicatos tamién reconocen que ye’l meyor alcuerdu en 20 años, pero afearon el comportamientu de Femetal nes negociaciones. La esmolición de les empreses del metal ta agora n’amenorgar l’absentismu.

Nel horizonte ta la negociación del conveniu de les empreses auxiliares del metal, que s’abrirá nos meses vinientes.

Les empreses asturianes del metal nun escapen a la situación d’inestabilidá internacional. El presidente de Femetal, Antonio Fernández-Escandón, que nun ye favoratible a afitar aranceles comerciales, sinón a negociar con países como China, espera una meyoría de la cartera de pidíos no que queda d’añu.